തിരുവനന്തപുരം: അധികൃതരുടെ അവഗണനയിൽ മുറിഞ്ഞപാലം ഇല്ലഞ്ഞിമൂട് ലൈൻ നിവാസികൾ ദുരിതത്തിൽ. നാല് വർഷമായി ഡ്രൈനേജ് തകർന്ന് മാലിന്യം റോഡിലേക്ക് ഒലിക്കുകയാണ്. കണ്ണന്മൂല പ്രാഥമിക ആരോഗ്യകേന്ദ്രത്തിൽ നിന്നും ആരോഗ്യപ്രവർത്തകർ പ്രദേശത്ത് പലതവണ സന്ദർശിച്ച് ഡ്രൈനേജ് മാലിന്യം പകർച്ചവ്യാധി ഭീഷണി ഉണ്ടാകുമെന്ന് മുന്നറിയിപ്പ് നൽകിയിട്ടുണ്ട്.
മാലിന്യം നിരന്തരമായി റോഡിലൂടെ ഒലിക്കുന്നതിനാൽ റോഡിൽ പായൽ രൂപപ്പെട്ട് ഇരുചക്ര വാഹനങ്ങൾ അപകടത്തിൽപ്പെടുന്നതും ഇവിടെ നിത്യസംഭവമാണ്. പ്രദേശവാസികളുടെയും റെസിഡന്റ്‌സ് അസോസിയേഷന്റെയും നേതൃത്വത്തിൽ പലതവണ അധികൃതർക്ക് പരാതി സമർപ്പിച്ചെങ്കിലും അവഗണന തുടരുകയാണ്. വിഷയത്തിൽ അടിയന്തിരമായി നടപടി സ്വീകരിക്കണമെന്ന് നാട്ടുകാർ ആവശ്യപ്പെടുന്നു.
Discussion about this post