തിരുവനന്തപുരം: സ്വര്‍ണക്കടത്ത് കേസില്‍ ഗവര്‍ണര്‍ക്ക് പൂര്‍ണ പിന്തുണ പ്രഖ്യാപിച്ച് കെപിസിസി പ്രസിഡന്റ് കെ.സുധാകരന്‍. സ്വര്‍ണക്കടത്ത് കേസില്‍ മുഖ്യമന്ത്രിയുടെ ഓഫീസിന് ബന്ധമുണ്ടെങ്കില്‍ നിയമപരമായി ഇടപെടുമെന്ന ഗവര്‍ണറുടെ നിലപാടിനെ സ്വാഗതം ചെയ്യുന്നുവെന്ന് സുധാകരന്‍ പറഞ്ഞു.
”ഗവര്‍ണര്‍ ഉന്നയിച്ചത് ഗൗരവമുള്ള വിഷയമാണ്. അതില്‍ ഉറച്ചു നില്‍ക്കുന്നുവെങ്കില്‍ സര്‍ക്കാരിനെ പിരിച്ചുവിടാന്‍ ഗവര്‍ണര്‍ കേന്ദ്രത്തോട് ആവശ്യപ്പെടണം. അന്വേഷണത്തിന് ഉത്തരവ് ഇടാന്‍ എങ്കിലും കേന്ദ്രത്തോട് പറയണം. പ്രോസിക്യൂഷന്‍ നടപടികള്‍ക്ക് അനുമതി നല്‍കേണ്ടത് ഗവര്‍ണര്‍ തന്നെയല്ലേ. അങ്ങനെ എങ്കില്‍ അദ്ദേഹം അനുമതി നല്‍കട്ടെ. നീതിപൂര്‍വം പ്രവര്‍ത്തിക്കാനുള്ള ആര്‍ജവം ഉണ്ടെങ്കില്‍ അത് ചെയ്യട്ടെ. അത് ചെയ്യാതെയുള്ള യുക്തിരാഹിത്യം അംഗീകരിക്കാനാവില്ല.” സുധാകരന്‍ പറഞ്ഞു.
Discussion about this post