ദക്ഷിണാഫ്രിക്ക, ശ്രീലങ്ക ത്രിരാഷ്ട്ര പരമ്പരയ്ക്കുള്ള ഇന്ത്യൻ വനിതാ ഏകദിന ടീമിനെ പ്രഖ്യാപിച്ചു

ശ്രീലങ്കയ്ക്കും ദക്ഷിണാഫ്രിക്കയ്ക്കുമെതിരെ കൊളംബോയിലെ ആർ. പ്രേമദാസ അന്താരാഷ്ട്ര ക്രിക്കറ്റ് സ്റ്റേഡിയത്തിൽ നടക്കുന്ന വരാനിരിക്കുന്ന വനിതാ ത്രി രാഷ്ട്ര ഏകദിന ടൂർണമെന്റിനുള്ള ഇന്ത്യൻ സീനിയർ വനിതാ ടീമിനെ പ്രഖ്യാപിച്ചു. ഹർമൻപ്രീത് കൗർ ടീമിനെ നയിക്കും. വൈസ് ക്യാപ്റ്റൻ സ്മൃതി മന്ഥാനയാണ്.

ജെമീമ റോഡ്രിഗസ്, ദീപ്തി ശർമ്മ, റിച്ച ഘോഷ് തുടങ്ങിയ പ്രധാന കളിക്കാർ ടീമിലുണ്ട്. പരിക്കുകൾ കാരണം രേണുക സിംഗ് താക്കൂറിനെയും ടിറ്റാസ് സാധുവിനെയും ടീമിൽ നിന്ന് ഒഴിവാക്കി. അതേസമയം കശ്വി ഗൗതം, ശ്രീ ചരണി, ശുചി ഉപാധ്യായ എന്നീ മൂന്ന് യുവതാരങ്ങൾക്ക് അന്താരാഷ്ട്ര ടീമിൽ ആദ്യമായി ഇടംനേടി.

ഏപ്രിൽ 27 ന് ശ്രീലങ്കയ്‌ക്കെതിരെയാണ് പരമ്പര ആരംഭിക്കുന്നത്. തുടർന്ന് ഏപ്രിൽ 29 ന് ദക്ഷിണാഫ്രിക്കയ്‌ക്കെതിരെയും മെയ് 4 ന് വീണ്ടും ശ്രീലങ്കയ്‌ക്കെതിരെയും മെയ് 7 ന് ദക്ഷിണാഫ്രിക്കയ്‌ക്കെതിരെയും മത്സരങ്ങളുണ്ട്. ലീഗ് ഘട്ടത്തിലെ ആദ്യ രണ്ട് സ്ഥാനക്കാർ മെയ് 11 ന് ഫൈനലിൽ ഏറ്റുമുട്ടും.

India’s squad:

Harmanpreet Kaur (c), Smriti Mandhana (vc), Pratika Rawal, Harleen Deol, Jemimah Rodrigues, Richa Ghosh (wk), Yastika Bhatia (wk), Deepti Sharma, Amanjot Kaur, Kashvee Gautam, Sneh Rana, Arundhati Reddy, Tejal Hasabnis, Sree Charani, Shuchi Upadhyay.