എമ്പുരാൻ വിവാദം പാർലമെൻ്റിൽ ചർച്ച ചെയ്യണമെന്ന് ആവശ്യപ്പെട്ട് എംപിമാർ രാജ്യസഭയുടെ നോട്ടീസ് നൽകി. എമ്പുരാൻ സിനിമയ്‌ക്കെതിരെ നടക്കുന്ന പ്രചാരണവും റീ എഡിറ്റ് ചെയ്യാൻ നിർബന്ധിത സാഹചര്യവും ഭരണഘടന നൽകുന്ന ആവിഷ്‌കാര സ്വാതന്ത്ര്യത്തിനെതിരായ കടന്നുകയറ്റമാണെന്ന് ചൂണ്ടിക്കാട്ടിയാണ് പാർലമെൻ്റിൽ എംപിമാർ നോട്ടീസ് നൽകിയിരിക്കുന്നത്. വിഷയം ചർച്ച ചെയ്യണമെന്ന് ചൂണ്ടിക്കാട്ടി ഹൈബി ഈഡൻ എംപി ലോക്സഭയിലും നോട്ടീസ് നൽകി.
എമ്പുരാൻ വിവാദം അടിയന്തരമായി ചർച്ച ചെയ്യണമെന്നാണ് കേരളത്തിൽ നിന്നുള്ള എംപിമാരുടെ ആവശ്യം. രാജ്യസഭയിൽ എ റഹീം എംപിയും ജോൺ ബ്രിട്ടാസ് എംപിയുമാണ് അടിയന്തരപ്രമേയ നോട്ടീസ് സമർപ്പിച്ചിരിക്കുന്നത്. മൗലിക അവകാശ ലംഘനമാണ് നടക്കുന്നത്. ചട്ടം 267 പ്രകാരം സഭ നിർത്തിവെച്ച് ചർച്ച ചെയ്യണമെന്ന് ഡോ.ജോൺ ബ്രിട്ടാസ് എംപി അടിയന്തര പ്രമേയ നോട്ടീസിൽ ആവശ്യപ്പെട്ടു
Discussion about this post