നിർമല സീതാരാമന്റെ നോക്കുകൂലി പരാമർശത്തിനെതിരെ സിപിഐഎം കേന്ദ്ര കമ്മറ്റി അംഗം എകെ ബാലന്റെ പ്രതികരണം. നിർമല സീതാരാമന്റെ മനസിൽ തൊഴിലാളി വിരുദ്ധ വിഷമാണെന്ന് അദ്ദേഹം പറഞ്ഞു. നോക്കുകൂലി എന്ന പ്രതിഭാസം ഇല്ല.
മുഴുവൻ തൊഴിലാളികളെയും അപമാനിക്കുന്ന പരാമർശമാണ് മന്ത്രിയുടേതെന്ന് എകെ ബാലൻ കുറ്റപ്പെടുത്തി. ഒറ്റപ്പെട്ട സംഭവങ്ങൾ എല്ലായിടത്തും ഉണ്ടാകാം. എന്നാൽ അവയെ സാമാന്യവത്ക്കരിക്കുന്നത് തെറ്റാണെന്നും അദ്ദേഹം കൂട്ടിച്ചേർത്തു.
ബസിൽ നിന്ന് ഇറങ്ങി ലഗേജുമായി പോകുമ്പോഴും നോക്കുകൂലി നൽകേണ്ടി വരുന്നുവെന്നും, ഇത്തരം കമ്മ്യൂണിസമാണ് കേരളത്തിലും ബംഗാളിലും വ്യവസായത്തെ തകർത്തതെന്നും ധനമന്ത്രി നിർമല സീതാരാമൻ കഴിഞ്ഞ ദിവസം രാജ്യസഭയിൽ പറഞ്ഞിരുന്നു.