ലൗ ജിഹാദ് ആരോപണത്തിൽ ഭീഷണി ഭയന്ന് കേരളത്തിൽ അഭയം തേടി ജാർഖണ്ഡ് സ്വദേശികൾ . ചിത്തപ്പൂർ സ്വദേശികളായ മുഹമ്മദ് ഗാലിബും ആശ വർമയുമാണ് അഭയം തേടിയത്. ഭീഷണി ഭയന്ന് ഇരുവരും കായംകുളത്ത് എത്തിയാണ് വിവാഹിതരായത് . ഇവർക്ക് സംരക്ഷണം നൽകുമെന്ന് കായംകുളം ഡിവൈഎസ്പി അറിയിച്ചു.
വ്യത്യസ്ത മതസ്ഥരായ ഇവര്‍ വിവാഹിതരാകാൻ തീരുമാനിച്ചതിന്‍റെ പേരിൽ ജാര്‍ഖണ്ഡിൽ കടുത്ത പ്രതിഷേധം നടന്നിരുന്നു. പെണ്‍കുട്ടിയുടെ വിവാഹം മറ്റൊരാളുമായി ഉറപ്പിക്കുകയും ചെയ്തിരുന്നു. പത്ത് വര്‍ഷത്തിലേറെയായി ഇരുവരും പ്രണയത്തിലാണ്. ബന്ധുക്കൾക്കിടയിൽ നിന്നും കടുത്ത എതിര്‍പ്പ് നേരിട്ട സാഹചര്യത്തിലാണ് കേരളത്തിൽ അഭയം തേടിയത്.