കോഴിക്കോട് കിനാലൂരിൽ എയിംസ് സ്ഥാപിക്കണമെന്ന ആവശ്യപ്പെട്ട് പി ടി ഉഷ എം പി രാജ്യസഭയിൽ. സംസ്ഥാന സർക്കാർ ഇതിനായി 153.46 ഏക്കർ ഭൂമി ഏറ്റെടുത്തിട്ടുണ്ടെന്നും നിർദേശിക്കപ്പെട്ട പദ്ധതിക്കായി തന്റെ പി ടി ഉഷ സ്‌കൂൾ ഓഫ് അത്‌ലറ്റിക്‌സിൽ നിന്ന് അഞ്ച് ഏക്കർ ഭൂമി നൽകിയിരുന്നുവെന്നും പി ടി ഉഷ രാജ്യസഭയിൽ വ്യക്തമാക്കി.
കിനാലൂരിലെ കാലാവസ്ഥയും എയിംസിന് അനുയോജ്യമാണ്. കിനാലൂരിൽ എയിംസ് സ്ഥാപിച്ചാൽ തമിഴ്‌നാട് കർണാടക സംസ്ഥാനങ്ങൾക്കും അതിന്റെ ഗുണം ലഭിക്കുമെന്നും പി ടി ഉഷ പറഞ്ഞു.
കേന്ദ്ര ബജറ്റിന് മുന്നോടിയായി കേരളം സമർപ്പിച്ച ആവശ്യങ്ങളിൽ ഒന്നായിരുന്നു എയിംസ് അനുവദിക്കണമെന്നുള്ളത്. എം കെ രാഘവൻ എം പിയും എയിംസിനായി ആവശ്യം സമർപ്പിച്ചിരുന്നു. എയിംസ് അനുവദിക്കുമെന്ന പ്രഖ്യാപനം വന്നയുടനെതന്നെ കേരളം കോഴിക്കോട് കിനാലൂരിൽ എയിംസിനുവേണ്ടി സ്ഥലം കണ്ടെത്തുകയും നടപടിക്രമങ്ങൾ പാലിച്ച് രേഖാമൂലം കേന്ദ്രത്തെ അറിയിക്കുകയും ചെയ്തിരുന്നു.
കിനാലൂരിൽ കെഎസ്ഐഡിസിയുടെ പക്കൽനിന്ന് ആരോഗ്യവകുപ്പിന് കൈമാറിയ 150 ഏക്കർ ഭൂമിക്ക് പുറമേ സ്വകാര്യവ്യക്തികളിൽനിന്ന് 100 ഏക്കറോളം ഭൂമി ഏറ്റെടുത്തുമാണ് 250 ഏക്കർ ഭൂമി എയിംസിനായി മാറ്റിവെച്ചിട്ടുള്ളത്.
Discussion about this post