ലോക്സഭാ തെരഞ്ഞെടുപ്പിൽ ബിജെപിക്ക് ഇപ്പോൾ തന്നെ 100 സീറ്റ് ഉറപ്പായി കഴിഞ്ഞെന്ന് കേന്ദ്ര ആഭ്യന്തര മന്ത്രി അമിത് ഷാ. കേരളത്തിലടക്കം പോളിങ് കഴിഞ്ഞ സ്ഥലങ്ങളിലെ ട്രെൻഡ് ബിജെപിക്ക് അനുകൂലമാണ്. അസം, ബംഗാൾ, യുപി, മധ്യപ്രദേശ്, രാജസ്ഥാൻ, ഛത്തീസ്‌ഗഡ്, ഉത്തരാഖണ്ഡ് എന്നിവടങ്ങളിൽ വലിയ വിജയം ബിജെപിയും എൻഡിഎയും നേടുമെന്നും അദ്ദേഹം പറഞ്ഞു.
ബിജെപി സംവരണം നിർത്തുമെന്നത് തെറ്റായ പ്രചാരണം നടത്തുന്നത് കോൺഗ്രസ് നിർത്തണം. വ്യാജ വീഡിയോ അടക്കം അവർ പ്രചരിപ്പിക്കുന്നുണ്ട്. ജനങ്ങൾ സത്യം അറിയണം. വ്യാജ വിഡിയോ പ്രചരിപ്പിച്ചും, ബിജെപി പ്രകടന പത്രികയെ വളച്ചൊടിച്ചും പ്രചാരണം നടത്തുകയാണ് കോൺഗ്രസെന്ന് അമിത് ഷാ കുറ്റപ്പെടുത്തി. രാഹുൽ ഗാന്ധിയാണ് വ്യാജ വിഡിയോ പ്രചാരണത്തിന് പിന്നിലെന്നും അദ്ദേഹം ആരോപിച്ചു.
പ്രജ്ജ്വലുമായി ബന്ധപ്പെട്ട വിഡിയോ വിവാദം ദൗർഭാഗ്യകരമായ സംഭവമാണ്. ബിജെപി ഭാരതത്തിലെ സ്ത്രീകൾക്കൊപ്പമാണ്. നരേന്ദ്ര മോദി സർക്കാർ സ്ത്രീകൾക്കെതിരെ നടത്തുന്ന പ്രവർത്തനങ്ങളെ അനുകൂലിക്കില്ല. സംഭവത്തിൽ ശക്തമായ നടപടിയുണ്ടാകുമെന്നും അമിത് ഷാ അറിയിച്ചു.
Discussion about this post