ഉത്സവകാലം പൊടിപ്പൊടിച്ച് ഹീറോ മോട്ടോകോർപ്പ്

32 ദിവസത്തെ കാലയളവിൽ 1.4 ദശലക്ഷത്തിലധികം ഇരുചക്രവാഹന യൂണിറ്റുകൾ വിറ്റഴിച്ചുകൊണ്ട് ഹീറോ മോട്ടോകോർപ്പ്, തങ്ങളുടെ എക്കാലത്തെയും ഉയർന്ന ഉത്സവ വിൽപ്പന രേഖപ്പെടുത്തിയതായി വ്യാഴാഴ്ച പ്രഖ്യാപിച്ചു. ഈ വർഷത്തെ ഫെസ്റ്റിവ് സീസണിൽ രേഖപ്പെടുത്തിയ ഏറ്റവും ഉയർന്ന വില്പനയാണിത്.

ഗ്രാമീണ വിപണികളിലുടനീളം ശക്തമായ ഡിമാൻഡും പ്രധാന നഗര കേന്ദ്രങ്ങളിലെ സ്ഥിരമായ റീട്ടെയിൽ ഓഫ് ടേക്ക് വഴിയും കമ്പനി മുൻ വർഷത്തേക്കാൾ 19 ശതമാനം വളർച്ചയും രേഖപ്പെടുത്തി. 2019 ലെ ഉത്സവ കാലയളവിൽ രേഖപ്പെടുത്തിയ 1.27 ദശലക്ഷം യൂണിറ്റുകളുടെ ഏറ്റവും ഉയർന്ന റീട്ടെയ്‌ലിനെ മറികടക്കുകയും ചെയ്തു.

സീസണിലെ ഉത്സവ കാലയളവ് ലക്ഷ്യമിട്ടുള്ള അതിന്റെ മുൻനിര പ്രോഗ്രാമായി ഹീറോ മോട്ടോകോർപ്പ് ഹീറോ ഗിഫ്റ്റിന്റെ രണ്ടാം പതിപ്പ് പുറത്തിറക്കി. പുതിയ മോഡലുകൾക്കൊപ്പം കുറഞ്ഞ പലിശ നിരക്കിൽ ഫിനാൻസ് സ്കീമുകൾ പ്രയോജനപ്പെടുത്താനുള്ള സൗകര്യം ഉപഭോക്താക്കൾക്ക് നൽകും.