രാജ്യത്ത് യുപിഐ വഴിയുള്ള പ്രതിമാസ ഇടപാടുകൾ ആദ്യമായി 1,000 കോടി കടന്നു. നാഷണൽ പേമെന്റ്സ് കോർപ്പറേഷന്റെ (NPCI) കണക്ക് പ്രകാരം ആഗസ്റ്റ് മാസത്തിൽ 1,058 കോടി ഇടപാടുകളാണ് രാജ്യത്ത് നടന്നത്. മൊത്തം 15.76 ലക്ഷം കോടി രൂപയാണ് യുപിഐ വഴി കൈമാറ്റം ചെയ്യപ്പെട്ടത്.
ഇക്കഴിഞ്ഞ ജൂലായിൽ 996 കോടി ഇടപാടുകളിലായി 15.34 ലക്ഷം കോടി രൂപയായിരുന്നു കൈമാറ്റം ചെയ്യപ്പെട്ടത്. ജൂണിൽ ഇടപാടുകൾ 934 കോടിയും മൂല്യം 14.76 ലക്ഷം കോടി രൂപയായിരുന്നു. കഴിഞ്ഞ വർഷം ആഗസ്റ്റിൽ 658 കോടി ഇടപാടുകളായിരുന്നു നടന്നത്. ഒരു വർഷത്തിനിപ്പുറം ഇടപാടുകളുടെ എണ്ണത്തിൽ 61 ശതമാനവുണ്ടായി. 47 ശതമാനം വർദ്ധനവ് ആണ് ഇടപാടുകളുടെ മൂല്യത്തിന്റെ കാര്യത്തിൽ സംഭവിച്ചത്. രാജ്യം യുപിഐ ഇടപാടുകളിൽ ആദ്യ 100 കോടിയിൽ എത്തിയത് 2019 ഒക്ടോബറിലാണ്.
Summary: UPI monthly transactions in the country crossed 1,000 crore for the first time.