വേദാന്ത തങ്ങളുടെ അലുമിനിയം ബിസിനസിന്റെ ചീഫ് എക്‌സിക്യൂട്ടീവ് ഓഫീസറായി ജോൺ സ്ലേവനെ നിയമിച്ചു. ഓസ്‌ട്രേലിയൻ കമ്പനിയായ ബിഎച്ച്‌പി ബില്ലിട്ടണിലും ബിസിജിയിലും പ്രധാന എക്‌സിക്യൂട്ടീവ് റോളുകളിൽ പ്രവർത്തിച്ചിട്ടുള്ള ആളാണ് ജോൺ സ്ലേവൻ. വേദാന്തയിൽ, ബിസിനസ് ഡെലിവറി അതിവേഗം ട്രാക്കുചെയ്യുന്നതിന് ആഗോള പങ്കാളികളുമായി സഖ്യം വികസിപ്പിക്കുന്നത് ഉൾപ്പെടെ അലുമിനിയം ബിസിനസിന്റെ വളർച്ചയ്ക്ക് ജോൺ നേതൃത്വം നൽകും.
ഇതോടൊപ്പം കെയിൻ ഓയിൽ & ഗ്യാസ് സിഒഒ സ്റ്റീഫൻ റസ്സൽ മൂറിന് സിഇഒ ആയി സ്ഥാനക്കയറ്റം നൽകി. നവീകരണത്തിലും ഡിജിറ്റലൈസേഷനിലും ശ്രദ്ധ കേന്ദ്രീകരിച്ച് മികച്ച ഇൻ-ക്ലാസ് ഓയിൽ, ഗ്യാസ് സാങ്കേതികവിദ്യൾ സ്വീകരിക്കുകയും വിന്യസിക്കുകയും ചെയ്യുമെന്ന് സ്റ്റീവ് പറഞ്ഞു. കെയ്‌നിന്റെ വളർച്ചാ തന്ത്രത്തെ മുൻനിർത്തിയുള്ള പല പദ്ധതികൾക്കും സ്റ്റീവ് നേതൃത്വം നൽകും. കെയിൻ ഓയിൽ & ഗ്യാസ് ബിസിനസിനായി ഒരു ഉപദേശക ബോർഡ് രൂപീകരിക്കാൻ ശ്രമിക്കുന്നതായും കമ്പനി അറിയിച്ചിട്ടുണ്ട്.
Summary: Vedanta appoints John Slaven as CEO of Aluminum Business.