പിഎസ്എൽവി റോക്കറ്റിൽ സിംഗപ്പൂരിന്റെ ഏഴ് ഉപഗ്രഹങ്ങൾ ഐഎസ്ആർഒ ഞായറാഴ്ച വിക്ഷേപിച്ചു. ഏറെ ആകാംഷയോടെ കാത്തിരുന്ന ചന്ദ്രയാൻ-3 വിക്ഷേപണത്തിന് ശേഷമുള്ള ഐഎസ്ആർഓയുടെ ദൌത്യമായിരുന്നു ഇത്.
ബെംഗളൂരു ആസ്ഥാനമായുള്ള ബഹിരാകാശ ഏജൻസി, സിംഗപ്പൂരിന്റെ DS-SAR എന്ന റഡാർ ഇമേജിംഗ് എർത്ത് ഒബ്സർവേഷൻ ഉപഗ്രഹവും, ആറ് സഹ-പാസഞ്ചർ ഉപഗ്രഹങ്ങളും വഹിച്ചുകൊള്ള PSLV-C56 എന്ന പേടകം ശ്രീഹരിക്കോട്ടയിൽ നിന്ന് ജൂലൈ 30ന് രാവിലെ 6:30ന് വിക്ഷേപിച്ചു. റോക്കറ്റ് ഉപഗ്രഹങ്ങളെ ഭൂമിയുടെ താഴ്ന്ന ഭ്രമണപഥത്തിൽ എത്തിക്കുന്നതിനാണ് ഈ ദൗത്യം സാക്ഷ്യം വഹിക്കുന്നുത്. ഐഎസ്ആർഒ സിംഗപ്പൂരിലെ ഉപഭോക്താക്കൾക്കായി ഏപ്രിലിൽ വിജയകരമായി വിക്ഷേപിച്ച PSLV-C55/TeLEOS-2 എന്ന ദൗത്യത്തെ പിന്തുടർന്നാണ് ഈ ദൗത്യം സഫലമായത്.
ഇസ്രായേൽ എയ്‌റോസ്‌പേസ് ഇൻഡസ്‌ട്രീസ് വികസിപ്പിച്ചെടുത്ത സിന്തറ്റിക് അപ്പേർച്ചർ റഡാർ (എസ്എആർ) പേലോഡാണ് ഡിഎസ്-എസ്എആർ വഹിച്ചിരുന്നത്. എല്ലാ കാലാവസ്ഥയിലും രാവും പകലും കവറേജ് നൽകാൻ ഇത് ഉപഗ്രഹത്തെ അനുവദിക്കുന്നു, കൂടാതെ 1 മീറ്റർ റെസല്യൂഷനിൽ ഇമേജിംഗ് ചെയ്യാൻ ഇതിന് സാധിക്കും.
360 കിലോഗ്രാം ഭാരമുള്ള DS-SAR ഉപഗ്രഹം , സിംഗപ്പൂരിലെ ST എഞ്ചിനീയറിംഗിന്റെ പങ്കാളിത്തത്തോടെ വികസിപ്പിച്ചെടുത്തതാണ്. വിന്യാസത്തിൽ, സിംഗപ്പൂർ ഗവൺമെന്റിനുള്ളിലെ വിവിധ ഏജൻസികളുടെ സാറ്റലൈറ്റ് ഇമേജറി ആവശ്യകതകളെ പിന്തുണയ്ക്കാനാണ് ഈ ഉപഗ്രഹത്തിലൂടെ ലക്ഷ്യമിടുന്നത്.
ഐഎസ്ആർഒയുടെ വാണിജ്യ വിഭാഗമായ ന്യൂസ്‌പേസ് ഇന്ത്യ ലിമിറ്റഡിന്റെ സമർപ്പിത ദൗത്യമാണ് പിഎസ്എൽവി-സി56. വിവിധ ഉപഗ്രഹങ്ങളെ തുടർച്ചയായി താഴ്ന്ന ഭൗമ ഭ്രമണപഥത്തിൽ എത്തിച്ചതിലൂടെയാണ് പിഎസ്എൽവി ‘ഐഎസ്ആർഒയുടെ വർക്ക്ഹോഴ്സ്’ എന്ന വിശേഷണം നേടിയതെന്ന് ഐഎസ്ആർഒ അറിയിച്ചു.
Summary: ISRO launches seven Singaporean satellites, onboard a PSLV rocket today
Discussion about this post