ചില നേരായ മാർഗ്ഗങ്ങളിലൂടെ ക്രെഡിറ്റ് കാർഡ് പരിധി വർദ്ധിപ്പിക്കാം. പതിവായുള്ള കാർഡ് ഉപയോഗം, സമയബന്ധിതവും പൂർണ്ണവുമായ ബിൽ പേയ്‌മെന്റുകളിലുടെ പരിധി വർദ്ധിപ്പിക്കാൻ സാധിക്കും.
നിങ്ങളുടെ വരുമാനം വർദ്ധിക്കുന്നതും പരിധി വർദ്ധിപ്പിക്കുന്നതിനുള്ള സാധുവായ കാരണമാണ്. നിങ്ങളുടെ ബാങ്കിലേക്ക് പുതുക്കിയ വരുമാന തെളിവുകൾ സമർപ്പിക്കുന്നത്തിലൂടെ കാർഡ് അപ്‌ഗ്രേഡ് ചെയ്യാനും പരിധി വർദ്ധിപ്പിക്കാനും സാധിക്കും. ദീർഘകാലമായി ക്രെഡിറ്റ് കാർഡ് ഉപഭോക്താക്കൾക്ക് ബാങ്കുകൾ പലപ്പോഴും സ്വയമേവയുള്ള പരിധി വർദ്ധനവ് അനുവദിക്കാറുണ്ട്.
ഉയർന്ന ക്രെഡിറ്റ് കാർഡ് പരിധിയുടെ ഗുണങ്ങൾ എന്തൊക്കെയാണ്?
1) ക്രെഡിറ്റ് സ്കോർ മെച്ചപ്പെടുത്തുന്നു
മെച്ചപ്പെട്ട ക്രെഡിറ്റ് സ്കോർ ആണ് ശ്രദ്ധേയമായ ഒരു നേട്ടം. കാർഡ് ഹോൾഡർമാർ ചെലവുകൾ സ്ഥിരമായി നിലനിർത്തിക്കൊണ്ട് അവരുടെ പരിധി വർദ്ധിപ്പിക്കുകയാണെങ്കിൽ, ലഭ്യമായ ക്രെഡിറ്റുമായി അവരുടെ അനുപാതം കുറയുന്നു. ശ്രദ്ധാപൂർവ്വമായ സാമ്പത്തിക പെരുമാറ്റം ക്രെഡിറ്റ് സ്കോർ വർദ്ധിപ്പിക്കും. ധനകാര്യ സ്ഥാപനങ്ങൾക്ക് അവരുടെ വിശ്വാസ്യതയും സമയബന്ധിതമായി തിരിച്ചടയ്ക്കാനുള്ള സാധ്യതയും വ്യക്തമാക്കുന്നു.
2) ലളിതമായ കാർഡ് മാനേജ്‌മെന്റും ലോൺ ആക്‌സസിബിലിറ്റിയും
ഒന്നിലധികം കാർഡുകൾ കൈകാര്യം ചെയ്യുന്നത് ഒരു വെല്ലുവിളിയാണ്. ഉയർന്ന പരിധിയുള്ള ഒരൊറ്റ ക്രെഡിറ്റ് കാർഡിന്റെ പ്രവർത്തനങ്ങളുടെ ട്രാക്കിംഗ് എളുപ്പമാക്കാനും ചെലവ് ആസൂത്രണം കാര്യക്ഷമമാക്കാനും കഴിയും. അതേസമയം, ഉയർന്ന ക്രെഡിറ്റ് പരിധിയുള്ള വ്യക്തികളെ ബാങ്കുകൾ ആശ്രയിക്കാവുന്നവരായി കാണുന്നു, കുറഞ്ഞ പലിശ നിരക്കിൽ വായ്പകൾ സുരക്ഷിതമാക്കുന്നത് അവർക്ക് എളുപ്പമാക്കുന്നു.
3) അതിശയിപ്പിക്കുന്ന പ്രതിഫലം
അവസാനമായി, ബില്ലുകൾ പൂർണ്ണമായും കൃത്യസമയത്തും അടയ്ക്കുന്ന വർക്ക് കൂടുതൽ പ്രതിഫലം നേടാനാകും. അധിക റിവാർഡ് പോയിന്റുകളും ആനുകൂല്യങ്ങളും നൽകിക്കൊണ്ട് ബാങ്കുകൾ പലപ്പോഴും ഉയർന്ന പരിധിയിലുള്ള കാർഡ് ഉടമകളെ വിലപ്പെട്ട ഉപഭോക്താക്കളായി കണക്കാക്കുന്നു. ഈ റിവാർഡുകൾക്ക് വിമാന യാത്ര, സമ്മാനങ്ങൾ വാങ്ങൽ തുടങ്ങിയ മേഖലകളിലെ ചെലവുകൾ ലഘൂകരിക്കാനാകും.
Summary: How to increase the credit limit and its advantages
Discussion about this post