തപാൽ വകുപ്പ് പോസ്റ്റ് ഓഫീസ് ഫ്രാഞ്ചൈസികൾ സ്വകാര്യ വ്യക്തികൾക്ക് നൽകാൻ തീരുമാനിച്ചു. തപാൽ വകുപ്പിൻ്റെ സേവനം അതിവേഗം ജനങ്ങളിലേക്കെത്തിക്കുന്നത് ലക്ഷ്യമിട്ടാണ് ഇങ്ങനെ ഒരു തീരുമാനമെന്ന് അധികൃതർ അറിയിച്ചു.
കുറഞ്ഞ മുതൽ മുടക്കിലൂടെ മികച്ച ലാഭമുണ്ടാക്കാം എന്നതാണ് ഈ പദ്ധതിയുടെ പ്രത്യേകത. രണ്ടു തരത്തിലുള്ള ഫ്രാഞ്ചൈസികളാണ് തപാൽ വകുപ്പ് നൽകുന്നത്. പോസ്റ്റ് ഓഫീസ് ഫ്രാഞ്ചൈസിയും പോസ്റ്റൽ ഏജൻറ്റ് ഫ്രാഞ്ചൈസിയും.
ഫ്രാഞ്ചൈസി തുടങ്ങുവാൻ 5000 രൂപയാണ് നിക്ഷേപിക്കേണ്ടത്. . പോസ്റ്റ് ഓഫീസ് വഴി നൽകുന്ന വിവിധ സേവനങ്ങൾക്കു ലഭിക്കുന്ന കമ്മീഷനാണ് വരുമാനം. പോസ്റ്റ് ഓഫീസ് തുടങ്ങുവാൻ ആഗ്രഹിക്കുന്നവർക്ക് സ്വന്തമായോ വാടകയ്ക്കോ സ്ഥലമുണ്ടായിരിക്കണം. കൂടാതെ പോസ്റ്റ് ഓഫീസ് വഴി നൽകുന്ന സേവനങ്ങൾ നൽകുവാനുള്ള അടിസ്ഥാന സൗകര്യങ്ങളും ഉണ്ടായിരിക്കണം. ഇതിനു വേണ്ട നിർദ്ദേശങ്ങളും സഹായങ്ങളും തപാൽ വകുപ്പ് നൽകുന്നതാണ്. 18 വയസ്സ് പൂർത്തിയായ എട്ടാം ക്ലാസ് യോഗ്യതയുള്ള ഏതൊരു ഇന്ത്യൻ പൗരനും ഫ്രാഞ്ചൈസി തുടങ്ങാൻ അപേക്ഷിക്കാം.
പോസ്റ്റ് ഓഫീസിൽ നിന്നും ഫ്രാഞ്ചൈസി തുടങ്ങുവാനുള്ള അപേക്ഷ ഫോം ലഭിക്കും. അല്ലെങ്കിൽ തപാൽ വകുപ്പിൻറ്റെ ഔദ്യോഗിക വെബ്സൈറ്റിൽ നിന്നും അപേക്ഷ ഫോം ഡൌൺലോഡ് ചെയ്യുക. അപേക്ഷയോടൊപ്പം ഏതെല്ലാം സേവനങ്ങളാണ് നിങ്ങൾ പോസ്റ്റ് ഓഫീസ് വഴി നൽകാൻ ആഗ്രഹിക്കുന്നതെന്നും അതിനുള്ള സൗകര്യങ്ങൾ എന്തെല്ലാമാണെന്നും അടങ്ങിയ വിശദമായ വിവരം ഉൾപ്പെടുത്തണം. അതാത് സ്ഥലങ്ങളിലെ ഡിവിഷണൽ ഹെഡ് ആണ് പരിശോധനകൾ നടത്തി യോഗ്യരായവരെ കണ്ടെത്തുന്നത്. അപേക്ഷ സമർപ്പിച്ച് 14 ദിവസങ്ങൾക്കുള്ളിൽ തന്നെ ഇതിനു മറുപടി ലഭിക്കുന്നതാണ്. തെരഞ്ഞെടുക്കപ്പെടുന്ന ഫ്രാഞ്ചൈസികൾ തപാൽ വകുപ്പുമായി ചേർന്ന് ധാരണാപത്രത്തിൽ ഒപ്പ് വയ്ക്കണം.
വരുമാനം
• ഓരോ രജ്സ്റ്റേർഡ് പോസ്റ്റിനും 3 രൂപ
• സ്പീഡ് പോസ്റ്റിന് 5 രൂപ
• 100 – 200 രൂപയുടെ മണി ഓർഡറിന് 3.5 രൂപ
• 200 രൂപയുടെ മുകളിലുള്ള മണി ഓർഡറിന് 5 രൂപ
• തപാൽ സ്റ്റാമ്പ്, തപാൽ സ്റ്റേഷനറി, മണി ഓർഡർ ഫോം എന്നിവയുടെ വിൽപനയിൽ 5 ശതമാനം കമ്മീഷൻ
• പ്രതിമാസം 1000 രജ്സ്റ്റേർഡ് പോസ്റ്റ്, 1000 സ്പീഡ് പോസ്റ്റ് എന്നിവ തികഞ്ഞാൽ 20 ശതമാനം കമ്മീഷൻ
• റവന്യൂ സ്റ്റാമ്പ്, സെൻട്രൽ റിക്രൂട്ട്മെൻറ്റ് ഫ്രീ സ്റ്റാമ്പ് തുടങ്ങിയ സേവനങ്ങൾക്ക് 40 ശതമാനം കമ്മീഷൻ.
Summary: Postal department of India invites Franchisee support from the citizens of India