നാല് വേരിയന്റുകളുമായി ഹോണ്ട എലിവേറ്റ് വാഹന വിപണി കീഴടക്കാൻ എത്തുന്നു. കമ്പനിയിൽ നിന്നും ഔദ്യോഗിക സ്ഥിതീകരണം ആയിട്ടില്ലെങ്കിലും എസ്‌വി, വി, വിഎക്‌സ്, ഇസഡ് എക്‌സ് എന്നീ വേരിയന്റുകൾ വേറിട്ട സവിശേഷതകളുമായി എത്തുമെന്ന് റിപ്പോർട്ടുകളുണ്ട്.
ഹോണ്ടയുടെ സ്മാര്‍ട്ട് എന്‍ട്രി സിസ്റ്റത്തോടു കൂടിയ എന്‍ജിന്‍ പുഷ് ബട്ടന്‍ സ്റ്റാര്‍ട്ടര്‍ ആണ് എസ്‌വിയിലുള്ളത്, പിഎം 2.5 ക്യാബിന്‍ എയര്‍ഫില്‍റ്ററോടുകൂടിയ ഓട്ടോ എസി, ഡ്യുവല്‍ എസ്ആര്‍എസ് എയര്‍ബാഗ് എന്നീ മറ്റു ഫീച്ചറുകളുമുണ്ട്. വേരിയന്റ് വി യിൽ ടച്ച് സ്‌ക്രീന്‍ ഇന്‍ഫോടെയിന്‍മെന്റ് സിസ്റ്റവും ആന്‍ഡ്രോയിഡ് ഓട്ടോ, ഹോണ്ട കണക്റ്റ്, മള്‍ട്ടി ആംഗിള്‍ റിയര്‍ വ്യൂ ക്യാമറയും ഉണ്ടായിരിക്കുമെന്നതാണ് പ്രത്യേകത. മൂന്നാമത്തെ വേരിയന്റായ വിഎക്‌സിലേക്ക് വരുമ്പോള്‍ വണ്‍ടച്ച് ഇലക്ട്രിക് സണ്‍റൂഫ്, ലൈന്‍ വാച്ച് ക്യാമറ, എല്‍ഇഡി പ്രൊജക്ടര്‍ ഫോഗ്‌ലാമ്പുകള്‍ എന്നിവ ഉള്‍പ്പെടുത്തിയിട്ടുണ്ട്. ഹോണ്ട സെന്‍സറായ എഡിഎസ് ടെക്‌നോളജി ക്രമീകരിച്ചിട്ടുണ്ട് എന്നതാണ് ഇസഡ് എക്‌സിന്റെ സവിശേഷത. സൈഡ്, കര്‍ട്ടന്‍ എയര്‍ബാഗുകള്‍, ഓട്ടോ ഡിമ്മിങ് ഇന്റേണല്‍ റിയര്‍വ്യൂ മിറര്‍, ക്രോം ഡോര്‍ഹാന്‍ഡിലുകള്‍ എന്നിങ്ങനെയാണ് ഈ വേരിയന്റിലെ മറ്റു ഫീച്ചറുകള്‍.
1.5 ലിറ്റര്‍ ഐവിടെക് ഡിഒഎച്ച്‌സി എന്‍ജിനാണ് ഹോണ്ട എലിവേറ്റില്‍ ഉള്‍കൊള്ളിച്ചിട്ടുള്ളത്. ആറു സ്പീഡ് മാനുവല്‍, ഏഴു സ്പീഡ് സിവിറ്റ് ഗിയര്‍ബോക്‌സുകൾ എന്നിവയൊക്കെയായാണ് എലിവേറ്റ് എത്തുക. ഹോണ്ട സിറ്റിയുടെ അതേ പ്ലാറ്റ്ഫോമിൽ തന്നെയാണ് ഹോണ്ട എലിവേറ്റും നിര്‍മിച്ചിരിക്കുന്നത്. വിലവിവരങ്ങള്‍ സംബന്ധിച്ച കാര്യങ്ങൾ ഇതുവരെ കമ്പനി പുറത്തുവിട്ടിട്ടില്ല. എന്നാൽ ഏകദേശം 11 ലക്ഷം രൂപയാകും വില എന്ന് സൂചനകളുയുണ്ട്.
Summary: Four variants of Honda Elevate, features and specifications
Discussion about this post