കോപ ഡെൽ റെ കിരീടം വീണ്ടും റയൽ മാഡ്രിഡിന് സ്വന്തം

റയല്‍ വീണ്ടും കോപ്പാ ഡെല്‍ റേ ജേതാക്കളായി. സെവില്ലയിലെ എസ്റ്റാഡിയോ ഡി ലാ കാര്‍ട്ടൂജയില്‍ നടന്ന ആവേശകരമായ മത്സരത്തില്‍ ഒസാസുനയെ 2-1ന് തോല്‍പ്പിച്ചാണ് റയല്‍ 20-ാമത് കോപ്പ ഡെല്‍ റേ ട്രോഫി സ്വന്തമാക്കിയത്. കളിയുടെ തുടക്കം മുതല്‍ ആധിപത്യം പുലര്‍ത്തിയ ലോസ് ബ്ലാങ്കോസ് രണ്ടാം മിനിറ്റില്‍ റോഡ്രിഗോയുടെ ഗോളില്‍ ലീഡ് നേടി. ശക്തമായി പൊരുതിയ ഒസാസുന 58-ാം മിനിറ്റില്‍ ലൂക്കാസ് ടോറോയുടെ ഗോളില്‍ സമനില നേടി.പക്ഷെ റയല്‍ മാഡ്രിഡ് മത്സരം കയ്യില്‍ നിന്ന് വഴുതിപ്പോകാന്‍ സമ്മതിച്ചില്ല, . എഴുപതാം മിനിറ്റില്‍ മത്സരത്തിലെ തന്റെ രണ്ടാം ഗോളും നേടി റോഡ്രിഗോ വിജയം ഉറപ്പിച്ച് വീണ്ടും റയല്‍ മാഡ്രിഡിന്റെ ഹീറോയായി. ഈ വിജയം റയല്‍ മാഡ്രിഡിന്റെ 20-ാമത് കോപ്പ ഡെല്‍ റേ ട്രോഫി ക്യാബിനിലേക്ക് എത്തിക്കുന്നു. ഇതിനു മുമ്പ് 2013-14 സീസണിലായിരുന്നു റയല്‍ ഈ കിരീടം നേടിയത്.