ഇടുക്കി: അരിക്കൊമ്പനെ വളഞ്ഞ് വനം വകുപ്പ്. അരിക്കൊമ്പന്റെ നാല് ഭാഗത്തുമായി ഉദ്യോഗസ്ഥര്‍ നിലയുറപ്പിച്ചു. ആനയെ മയക്ക് വെടിവച്ച് സിമന്റ് പാലത്ത് എത്തിക്കാനാണ് നീക്കം. അരിക്കൊമ്പന് അരികിലായി ചക്ക കൊമ്പനും എത്തിയിട്ടുണ്ടെന്ന് ദൗത്യ സംഘം സ്ഥിരീകരിച്ചു. ആനകളെ അകറ്റാന്‍ പടക്കം പൊട്ടിച്ചു. സാഹചര്യം അനുകൂലമായാല്‍ ഉടന്‍ മയക്കുവെടി വെക്കും.
ഒരു കൊമ്പ് ഉയര്‍ന്നും ഒന്ന് താഴ്ന്നുമാണ് കാണപ്പെട്ടത്.ഇതേ തുടര്‍ന്നാണ് അരിക്കൊമ്പന് തന്നെയെന്നുള്ള നിഗമനത്തില്‍ വനം വകുപ്പ് വാച്ചര്‍മാര്‍ എത്തിയത്. മറയൂര്‍ കുടിയിലെ ക്യാമ്പില്‍ നിന്ന് കുങ്കിയാനകളെ ഇറക്കിയിട്ടുണ്ട്. ആനയിറങ്കലില്‍ വനംവകുപ്പിന്റെ നിരീക്ഷണത്തിലായിരുന്നു അരിക്കൊമ്പന്. നാല് കുങ്കിയാനകളെയാണ് സ്ഥലത്തേക്ക് കൊണ്ടുപോയിട്ടുള്ളത്. അതേസമയം വനംവകുപ്പ് ഉദ്യോഗസ്ഥരടക്കം 150 ലേറെ പേരാണ് അരിക്കൊമ്പനെ സ്ഥലം മാറ്റാനുള്ള ദൗത്യസംഘത്തിലുള്ളത്.
Discussion about this post