പെലെ എന്നാൽ അതുല്യൻ, ഇനി ബ്രസീലിയൻ ഡിക്ഷനറിയിലും

ഫുട്ബോള്‍ ഇതിഹാസം പെലെയെ നിഘണ്ടുവില്‍ ചേര്‍ത്ത് ബ്രസീല്‍. അസാധാരണമായത്, സമാനതകളില്ലാത്തത്, അതുല്യമായത് എന്നിങ്ങനെയുള്ള എന്തിന്റെയും പര്യായമായി ഇനി പെലെ എന്ന വാക്ക് ഉപയോഗിക്കാം. ബ്രസീലിലെ പ്രശസ്തമായ ‘മൈകേലിസ്’ എന്ന നിഘണ്ടുവാണ് ‘പെലെ’ എന്ന വാക്ക് ചേര്‍ത്തത്.കായിക മേഖലയ്ക്ക് പുറത്തും ഇതിഹാസതാരത്തിന്റെ ഓര്‍മ നിലനില്‍ക്കാനാണ് ഈ നീക്കം. അടുത്തിടെ ഒന്നേകാല്‍ ലക്ഷം പേരുടെ ഒപ്പ് ശേഖരിച്ചതിനു ശേഷമാണ് നിഘണ്ടുവില്‍ കൂട്ടിച്ചേര്‍ത്തത്. പോര്‍ചുഗീസ് ഭാഷയിലാണു നിഘണ്ടു.സാവോ പോളോയില്‍ നടന്ന ചടങ്ങിലായിരുന്നു മിഖായേലിസിന്റെ പ്രഖ്യാപനം. സവിശേഷമായത്, സമാനതകളില്ലാത്തത്, അതുല്യമായത് എന്നാണ് അര്‍ത്ഥം. അതായത് ‘ഇയാള്‍ ബാസ്‌കറ്റ് ബോളിലെ പെലെ, അയാള്‍ ടെന്നീസിലെ പെലെ, നാടകരംഗത്തെ പെലെ, വൈദ്യശാസ്ത്രത്തിലെ പെലെ എന്നിങ്ങനെ അതാത് മേഖലയില്‍ മികവ് തെളിയിച്ചയാളുകളെ ഇനി പെലെ എന്ന പേരില്‍ വിശേഷിപ്പിക്കാം’ എന്നാണ് ‘പെലെ’ എന്ന പേരിനെ നിഘണ്ടുവില്‍ അടയാളപ്പെടുത്തുന്നത്.