ഇടുക്കി: ജോണി നെല്ലൂരിന് പിന്നാലെ കേരള കോണ്‍ഗ്രസ് ജോസഫ് വിഭാഗം വൈസ് ചെയര്‍മാന്‍ മാത്യു സ്റ്റീഫനും പാര്‍ട്ടി വിട്ടു. മുന്‍ ഉടുമ്പുഞ്ചോല എംഎല്‍എ കൂടിയായിരുന്നു മാത്യു സ്റ്റീഫന്‍.
രാജിക്കത്ത് പാര്‍ട്ടി ചെയര്‍മാന്‍ പി ജെ ജോസഫിന് നല്‍കിയെന്നും വ്യക്തിപരമായ കാരണങ്ങളാണ് രാജിക്ക് കാരണമെന്നും മാത്യു സ്റ്റീഫന്‍ പറഞ്ഞു. ജോണി നെല്ലൂര്‍ രൂപീകരിക്കുന്ന പാര്‍ട്ടിയില്‍ ചേര്‍ന്ന് പ്രവര്‍ത്തിക്കുമെന്നും ശനിയാഴ്ച എറണാകുളത്ത് പുതിയ പാര്‍ട്ടിയുടെ പ്രഖ്യാപനം ഉണ്ടാകുമെന്നും മാത്യു സ്റ്റീഫന്‍ അറിയിച്ചു.
ബിജെപിയുമായി സംസാരിച്ചിരുന്നു. ബിജെപി മധ്യമേഖല പ്രസിഡന്റ് ഹരിയുമായാണ് സംസാരിച്ചത്. റബ്ബര്‍ കര്‍ഷകരമായി ബന്ധപ്പെട്ട കാര്യമാണ് സംസാരിച്ചതെന്നും മാത്യു സ്റ്റീഫന്‍ മാധ്യമങ്ങളെ അറിയിച്ചു.