കണ്ണൂര്‍: ലക്ഷദ്വീപ് മുന്‍ എംപി മുഹമ്മദ് ഫൈസലിന്റെ മോചനം കണ്ണൂര്‍ സെന്‍ട്രല്‍ ജയില്‍ അധികൃതര്‍ വൈകിപ്പിച്ചെന്ന് സംസ്ഥാന വനം വകുപ്പ് മന്ത്രി എ കെ ശശീന്ദ്രന്‍. കോടതി ഉത്തരവ് ലഭിച്ചിട്ടും ഫൈസലിന്റെ മോചനം ഉദ്യോഗസ്ഥര്‍ മനഃപൂര്‍വം വൈകിപ്പിക്കുകയായിരുന്നു.
ഇതിനു പിന്നില്‍ ഗൂഢാലോചന നടന്നിട്ടുണ്ടോയെന്ന് സംശയമുണ്ട്. ആരെയോ പ്രീതിപ്പെടുത്താന്‍ ഉദ്യോഗസ്ഥര്‍ ശ്രമിച്ചു. കോടതി ഉത്തരവ് വൈകീട്ട് ലഭിച്ചിട്ടും രാത്രി ഒന്‍പതിനാണ് മുന്‍ എംപി മുഹമ്മദ് ഫൈസലിന് ജയിലില്‍ നിന്ന് ഇറങ്ങാന്‍ കഴിഞ്ഞതെന്നും വനം മന്ത്രി കുറ്റപ്പെടുത്തി.