തൃശ്ശൂര്‍: കുന്നംകുളം പന്നിത്തടത്ത് ഒരു കുടുംബത്തിലെ 3 പേരെ കത്തിക്കരിഞ്ഞ നിലയില്‍ കണ്ടെത്തി. അമ്മയെയും രണ്ട് കുട്ടികളെയുമാണ് മരിച്ച നിലയില്‍ കണ്ടെത്തിയത്. പന്നിത്തടം ചെറുമാനേംകാട് താമസിക്കുന്ന ഷഫീന, അജുവ(3),ഒന്നര വയസ്സുള്ള അമന്‍ എന്നിവരാണ് മരിച്ചത്. ഇന്ന് പുലര്‍ച്ചെയാണ് സംഭവം നടന്നതെന്നാണ് പ്രാഥമിക നിഗമനം.
കാളുവളപ്പില്‍ ഹാരിസിന്റെ ഭാര്യയും മക്കളുമാണ് മരിച്ചത്.വീടിന് മുകളിലുള്ള ബാല്‍ക്കണിയിലാണ് മൃതദേഹങ്ങള്‍ കണ്ടെത്തിയത്. സംഭവം നടക്കുമ്പോള്‍ ഹാരിസിന്റെ ഉമ്മ മാത്രമേ വീട്ടിലുണ്ടായിരുന്നുള്ളൂ. പൊലീസ് സ്ഥലത്തെത്തി വീട്ടുകാരുടെ മൊഴികളും വിശദാംശങ്ങളും ശേഖരിക്കുകയാണ്. സഹോദരന്മാര്‍ കൂട്ട് കുടുംബമായി താമസിച്ചിരുന്ന വീട്ടിലാണ് സംഭവമുണ്ടായത്. സംഭവ സമയത്ത് ജ്യേഷ്ഠന്റെ ഭാര്യയും മക്കളും സ്വന്തം വീട്ടിലേക്ക് പോയിരുന്നു.
സംഭവം നടക്കുന്ന സമയത്ത് ഭര്‍ത്താവിന്റെ ഉമ്മ മാത്രമാണ് വീട്ടിലുണ്ടായിരുന്നത്. മരിച്ച യുവതിയുടെ ഭര്‍ത്താവ് ഹാരിസ് വിദേശത്താണ്. രാവിലെ നടക്കാന്‍ ഇറങ്ങിയവരാണ് അമ്മയുടെയും കുട്ടികളുടെയും മരണ വിവരം ആദ്യം അറിയുന്നത്. പൊലീസ് അന്വേഷണം തുടങ്ങി.