ഡല്‍ഹി: രാഹുല്‍ ഗാന്ധി നയിക്കുന്ന ഭാരത് ജോഡോ യാത്ര നാളെ സമാപിക്കും. പദയാത്ര ഇന്ന് അവസാനിക്കും. പന്താചൗക്കില്‍ നിന്ന് രാവിലെ 10 ന് തുടങ്ങുന്ന യാത്ര 12 മണിക്ക് ലാല്‍ ചൗക്കില്‍ അവസാനിക്കും.
തുടര്‍ന്ന് രാഹുല്‍ അവിടെ പതാക ഉയര്‍ത്തുന്നതോടെ പദയാത്ര സമാപിക്കും. വൈകുന്നേരം കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ രാഹുല്‍ അടക്കമുള്ള യാത്രക്കാര്‍ക്ക് അത്താഴ വിരുന്ന് നല്‍കും.
നാളെ ജമ്മു കശ്മീര്‍ പിസിസി ഓഫീസിലും രാഹുല്‍ പതാകയുയര്‍ത്തും. തുടര്‍ന്ന് നടക്കുന്ന സമാപന സമ്മേളനത്തോടെ ഭാരത് ജോഡോ യാത്ര അവസാനിക്കും. ക്ഷണിച്ച 23 കക്ഷികളില്‍ 13 കക്ഷികള്‍ പങ്കെടുക്കും.ജെഡിയു ,ജെഡിഎസ്, തൃണമൂല്‍ കോണ്‍ഗ്രസ്,സി പി എം തുടങ്ങിയ കക്ഷികളാണ് വിട്ടു നില്‍ക്കുന്നത്.