പാലക്കാട്: ധോണിയിലെ ജനവാസ മേഖലയില്‍ വീണ്ടും കാട്ടാനയിറങ്ങി. ചേലക്കാട് ചൂലിപ്പാടത്താണു കൃഷിയിടത്തില്‍ രാത്രി ഏഴ് മണിയോടെ കാട്ടാനയിറങ്ങിയത്. തെങ്ങും കവുങ്ങും അടക്കം കൃഷി നശിപ്പിച്ചതായി നാട്ടുകാര്‍ പറഞ്ഞു.നാടിനെ വിറപ്പിച്ച കൊമ്പനാന പി.ടി7 കൂട്ടിലായതിന്റെ പിറ്റേന്നാണ് വീണ്ടും കാട്ടാനയിറങ്ങിയത്.
ധോണി മേഖലയെ വിറപ്പിച്ച പി.ടി7 കൊമ്പന്‍ പിടിയിലായപ്പോള്‍ വനംമന്ത്രി എ.കെ.ശശീന്ദ്രന്‍ ‘ധോണി’ എന്നാണു പേരിട്ടത്. ഇതിനെ പരിശീലിപ്പിച്ചു കുങ്കിയാനയാക്കാനാണു തീരുമാനം.