ഡല്‍ഹി: ജമ്മു കശ്മീര്‍ ഇരട്ട സ്‌ഫോടനത്തില്‍ എന്‍ഐഎ അന്വേഷണം ആരംഭിച്ചു. തന്ത്രപ്രധാന മേഖലകളില്‍ കശ്മീര്‍ പോലീസിനൊപ്പം കേന്ദ്ര സേനയേയും കൂടുതലായി വിന്യസിച്ചു.
സ്‌ഫോടനങ്ങളുടെ പശ്ചാത്തലത്തില്‍ ജമ്മുകശ്മീരില്‍ ഭാരത് ജോഡോ യാത്ര നടത്തുന്ന രാഹുല്‍ ഗാന്ധിയുടെ സുരക്ഷ വര്‍ധിപ്പിച്ചു.ഇന്നലെയാണ് ജമ്മു കശ്മീരിലെ നര്‍വാര്‍ളില്‍ മണിക്കൂറുകളുടെ വ്യത്യാസത്തില്‍ രണ്ട് വാഹനങ്ങളില്‍ സ്‌ഫോടനമുണ്ടായത്.
അന്വേഷണം പ്രഖ്യാപിച്ചതിന് പിന്നാലെ എന്‍ഐഎ സംഘം സ്ഥലത്തെത്തി പരിശോധന നടത്തി. പരിശോധന സമീപ പ്രദേശങ്ങളിലേക്കും വ്യാപിപ്പിച്ചിട്ടുണ്ട്.
റിപ്പബ്ലിക് ദിനം അടുത്തിരിക്കേ സ്‌ഫോടനങ്ങള്‍ നടന്നതിനെ തുടര്‍ന്ന് ആഭ്യന്തര സുരക്ഷ വര്‍ധിപ്പിച്ചു.ആഭ്യന്തര മന്ത്രാലയത്തിന്റെ നിര്‍ദ്ദേശ പ്രകാരം ജില്ലാ ഭരണകൂടം സാഹചര്യം നിരീക്ഷിക്കുന്നുണ്ട്.
Discussion about this post