മൂന്നാര്‍: രണ്ടു ദിവസങ്ങളിലായി രണ്ട് ഓട്ടോറിക്ഷകള്‍ തകര്‍ത്ത് കാട്ടാന പടയപ്പ. പെരിയവരെ ലോവര്‍ ഡിവിഷനിലും ഗ്രാംസ് ലാന്‍ഡിലുമാണ് ഓട്ടോറിക്ഷ തകര്‍ത്തത്.കാട്ടാന രണ്ടു ദിവസമായി പ്രകോപിതനാണ്. കഴിഞ്ഞ ദിവസം രാത്രിയാണ് സംഭവം. പ്രദീപ്, ബാലു എന്നിവരുടെ ഉടമസ്ഥതയിലുള്ള ഓട്ടോറിക്ഷകളാണ് തകര്‍ത്തിരിക്കുന്നത്. ഇതുമായി ബന്ധപ്പെട്ട് ആളുകളുടെ പ്രതിഷേധം ഉയരുന്നുണ്ട്.
പടയപ്പയ്ക്ക് റേഡിയോ ബോളര്‍ ഘടിപ്പിച്ചിട്ടുണ്ട്. ആന ജനവാസ മേഖലയില്‍ ഇറങ്ങിയാല്‍ ആ വിവരം കൃത്യമായി വനം വകുപ്പിന് അറിയാന്‍ കഴിയും.ജനവാസ മേഖലയില്‍ ഇറങ്ങി കഴിഞ്ഞാല്‍ അതിനെ കാട്ടിലേക്ക് തുരത്താനോ അല്ലെങ്കില്‍ ഈ ആനയെ കാട്ടില്‍ തന്നെ നിര്‍ത്താനോ വേണ്ട നടപടി വനംവകുപ്പ് നടത്തുന്നില്ല എന്ന തരത്തിലാണ് പ്രതിഷേധം ഉയരുന്നത്. നേരിട്ട് വനം വകുപ്പ് ഓഫീസില്‍ ചെന്ന് പരാതികള്‍ കൊടുത്തിട്ടും യാതൊരു നടപടിയുമില്ല എന്നെല്ലാമാണ് ഈ നാട്ടുകാരുടെ പരാതി.
Discussion about this post