പാലക്കാട്: വനിതാ സുഹൃത്തിന്റെ മൊബൈല്‍ ഫോണ്‍ തട്ടിയെടുത്ത കേസില്‍ യുവാവ് പിടിയില്‍.വടക്കഞ്ചേരി സ്വദേശി ഷനാസിനെയാണ് പാലക്കാട് ടൗണ്‍ നോര്‍ത്ത് പൊലീസ് പിടികൂടിയത്. ഒരു വര്‍ഷം മുന്‍പ് ഫെയ്സ്ബുക്കിലൂടെ വിവാഹിതയായ യുവതിയുമായി ഷനാസ് സൗഹൃദം സ്ഥാപിച്ചിരുന്നു.ഇതിനു ശേഷം ഇരുവരും കൂടുതല്‍ അടുപ്പത്തിലായി. യുവതിയില്‍ നിന്നും വിവിധ ആവശ്യങ്ങള്‍ക്കെന്ന പേരില്‍ ഷനാസ് പണവും സ്വര്‍ണവും കൈക്കലാക്കി.
പണം ആവശ്യപ്പെടുന്നത് പതിവാക്കിയപ്പോള്‍ ഷനാസുമായി അകന്നുവെന്ന് യുവതിയുടെ പരാതി.ഈ സമയത്താണ് ഷനാസിന്റെ കൈവശമുണ്ടായിരുന്ന യുവതിയുടെ ചിത്രങ്ങള്‍ ഭര്‍ത്താവിനും ബന്ധുക്കള്‍ക്കും ഇയാള്‍ അയച്ചത്. ഇതോടെ യുവതി പൂര്‍ണമായും അകന്നു.
ഇതില്‍ പ്രകോപിതനായി ഷനാസ് നിരന്തരം പിന്തുടരുന്നതായി യുവതിയുടെ പരാതിയില്‍ പറയുന്നു. യുവതി ജോലി ചെയ്യുന്ന സ്ഥാപനത്തിന് സമീപത്തെത്തി കഴിഞ്ഞ ദിവസം ഇയാള്‍ കാത്തു നിന്നു. യുവതിയെ കണ്ടയുടന്‍ വാക് തര്‍ക്കം നടന്നു.
ഇതിനിടയില്‍ എണ്ണായിരം രൂപ വില വരുന്ന തന്റെ മൊബൈല്‍ ഫോണ്‍ ഷനാസ് തട്ടിയെടുത്തതെന്നും യുവതിയുടെ പരാതിയില്‍ പറയുന്നു. നോര്‍ത്ത് പൊലീസില്‍ നല്‍കിയ പരാതിയെ ത്തുടര്‍ന്നാണ് ഷനാസിനെ അറസ്റ്റ് ചെയ്തു.