ഡല്‍ഹി: സുരക്ഷ മുന്നറിയിപ്പുകള്‍ക്കിടെ ഭാരത് ജോഡോ യാത്ര ഇന്ന് ജമ്മു കശ്മീരിലെത്തും. വൈകുന്നേരം 6 മണിയോടെ കശ്മീര്‍ അതിര്‍ത്തിയായ ലഖന്‍പൂരില്‍ കശ്മീര്‍ മുന്‍ മുഖ്യമന്ത്രി ഫറൂക്ക് അബ്ദുള്ള യാത്രയെ സ്വീകരിക്കും.
23 ന് രാഹുല്‍ ഗാന്ധി പൊതു റാലിയെ അഭിസംബോധന ചെയ്യും.റിപ്പബ്ലിക് ദിനത്തില്‍ ബനി ഹാളില്‍ രാഹുല്‍ പതാകയുയര്‍ത്തും.30 ന് ശ്രീനഗര്‍ ഷെര്‍ ഇ കശ്മീരി സ്റ്റേഡിയത്തിലാണ് സമാപന ചടങ്ങ് നടക്കുക.
സമാപന സമ്മേളനത്തില്‍ മെഹ്ബൂബ മുഫ്തി, ഒമര്‍ അബ്ദുള്ള ,എം.കെ സ്റ്റാലിന്‍, ഉദ്ദവ് താക്കറെ ഉള്‍പ്പടെയുള്ള നേതാക്കള്‍ പങ്കെടുക്കും.ഇടത് പാര്‍ട്ടികളില്‍ സിപിഐയും പങ്കെടുക്കുമെന്ന് അറിയിച്ചിട്ടുണ്ട്.