ആലപ്പുഴ: എം.എല്‍.എ തോമസ് കെ തോമസ് ജാതീയമായി അധിക്ഷേപിച്ചെന്ന പരാതി നല്‍കിയ സംഭവത്തില്‍ ആര്‍.ജി.ജിഷക്കെതിരെയും പോലീസ് കേസെടുത്തു.
ഇദ്ദേഹത്തെയും ഭാര്യയെയും അധിക്ഷേപിച്ചെന്ന പരാതിയില്‍ എന്‍സിപി മഹിളാ വിഭാഗം ജില്ലാ പ്രസിഡന്റ് ആര്‍ ജി ജിഷയ്‌ക്കെതിരെ പൊലീസ് കേസെടുത്തത്.പട്ടികജാതി പീഡന നിരോധന നിയമപ്രകാരമാണ് ഹരിപ്പാട് പൊലീസ് കേസെടുത്തത്.
എംഎല്‍എ അസഭ്യം പറഞ്ഞെന്നാണ് ജിഷ പൊലീസിന് മൊഴി നല്‍കിയിരിക്കുന്നത്. പാര്‍ട്ടി അംഗമല്ലാത്ത ഷെര്‍ളി തോമസ് വേദിയില്‍ ഇരുന്നത് ചോദ്യം ചെയ്തപ്പോള്‍ അധിക്ഷേപിച്ചു. ചുമലില്‍ പിടിച്ച് തള്ളിയെന്നും മൊഴി നല്‍കി.
https://youtu.be/Qyw3UWvaC44
നിന്നെ പോലുള്ള ജാതികളെ പാര്‍ട്ടിയില്‍ വേണ്ടെന്ന് പറഞ്ഞുവെന്നും തന്നെ അടിക്കാന്‍ ഓങ്ങിയപ്പോള്‍ മറ്റുള്ളവര്‍ തടയുകയായിരുന്നുവെന്നും ജിഷ പറയുന്നു.ഈ മാസം ഒമ്പതിന് ഹരിപ്പാട് മണ്ഡലത്തിലെ എന്‍സിപി ഫണ്ട് ശേഖരണ യോഗത്തിലാണ് ഈ സംഭവം നടന്നത്.
ഹരിപ്പാട് മണ്ഡലത്തില്‍ പെടാത്തവര്‍ പുറത്ത് പോകണമെന്ന് ജിഷ ആവശ്യപ്പെട്ടതോടെയാണ് ബഹളം തുടങ്ങിയത്. ഇതിനിടെ ആര്‍ ബി ജിഷയുടെ നിറം പറഞ്ഞ് ഷേര്‍ലി തോമസ് ആക്ഷേപിച്ചു.
പിന്നാലെ നേതാക്കള്‍ തമ്മില്‍ പരസ്പരം വാക്കേറ്റം നടന്നു. ഇതിനിടെ ഭാര്യയെ ന്യായീകരിച്ച് എംഎല്‍എ സംസാരിക്കുന്നുണ്ട്.പാര്‍ട്ടി യോഗങ്ങളിലും ഔദ്യോഗിക മീറ്റിംഗുകളിലും ഇദ്ദേഹം, ഭാര്യ ഷേര്‍ലിയുമായി പങ്കെടുക്കുന്നു എന്ന് ആക്ഷേപവുമുണ്ട്.