കൊച്ചി: അതിക്രൂരമായ മര്‍ദ്ദനത്തെ തുടര്‍ന്ന് എറണാകുളം ജില്ലയില്‍ യുവാവ് കൊല്ലപ്പെട്ടു. എടവനക്കാട് സ്വദേശി സനലാണ് മരിച്ചത്. 34 വയസായിരുന്നു. അയല്‍വാസികളായ അച്ഛനും മകനും ചേര്‍ന്നാണ് സനലിനെ മര്‍ദ്ദിച്ചത്. പ്രതികളായ വേണുവിനെയും മകന്‍ ജയരാജിനെയും ഞാറക്കല്‍ പൊലീസ് കസ്റ്റഡിയിലെടുത്തിരിക്കുകയാണ്.
ഇന്നലെ രാത്രിയാണ് വേണുവും ജയരാജും ചേര്‍ന്ന് സനലിനെ മര്‍ദ്ദിച്ചത്. ഇരുമ്പ് വടി ഉപയോഗിച്ചാണ് സനലിനെ മര്‍ദ്ദിച്ചത്. അതിര്‍ത്തി തര്‍ക്കത്തെ തുടര്‍ന്നാണ് ഇരുവരും ചേര്‍ന്ന് സനലിനെ മര്‍ദ്ദിച്ച് കൊലപ്പെടുത്തിയതെന്ന് പൊലീസ് പറഞ്ഞു. ഗുരുതര പരിക്കുകളോടെ എറണാകുളം ജനറല്‍ ആശുപത്രിയില്‍ പ്രവേശിപ്പിക്കപ്പെട്ട സനല്‍ ഇന്ന് രാവിലെ മരണത്തിന് കീഴടങ്ങി.
Discussion about this post