പൂനെ: നാവാലെ പാലത്തില്‍ ടാങ്കര്‍ ലോറി നിയന്ത്രണം നഷ്ടപ്പെട്ടതിനെ തുടര്‍ന്നുണ്ടായ അപകടത്തില്‍ 48 വാഹനങ്ങള്‍ കൂട്ടിയിടിച്ചു. നിരവധി പേര്‍ക്ക് പരിക്കേറ്റു. പൂനെയിലേക്ക് പോവുകയായിരുന്ന ടാങ്കറിന്റെ ബ്രേക്ക് തകരാറിലായതിനെ തുടര്‍ന്ന് നവലെ പാലത്തില്‍ വച്ച് നിരവധി വാഹനങ്ങളില്‍ ഇടിക്കുകയുമായിരുന്നു.
അപകടത്തില്‍ ആളപായമൊന്നും റിപ്പോര്‍ട്ട് ചെയ്തിട്ടില്ല. റോഡിന്റെ ചരിവും വാഹനങ്ങളുടെ അമിതവേഗവും മൂലം നവലേ പാലം ഭാഗത്ത് അപകടങ്ങള്‍ പതിവ് സംഭവമാണ്. അപകടത്തില്‍പ്പെട്ട വാഹനങ്ങള്‍ റോഡില്‍ നിന്ന് നീക്കം ചെയ്യുകയാണ് അധികൃതര്‍.
സംഭവത്തില്‍ 48 വാഹനങ്ങള്‍ക്കെങ്കിലും കേടുപാടുകള്‍ സംഭവിച്ചതായി പൂനെ മെട്രോപൊളിറ്റിക്കല്‍ റീജിയന്‍ ഡെവലപ്മെന്റ് അതോറിറ്റിയുടെ അഗ്‌നിശമന വിഭാഗം അവകാശപ്പെട്ടു. 48 വാഹനങ്ങള്‍ക്ക് കേടുപാടുകള്‍ സംഭവിച്ചുവെന്നാണ് റിപ്പോർട്ട്.
https://youtu.be/qUyVxElWeTA