സംവിധായകന്‍ പ്രശാന്ത് വര്‍മ്മ ഒരുക്കുന്ന പുതിയ ചിത്രമായ ഹനുമാന്റെ ടീസര്‍ പുറത്തിറങ്ങി. സയന്‍സ്-ഫിക്ഷന്‍, ഡിറ്റക്ടീവ്, സോംബി അപ്പോക്കലിപ്സ് തുടങ്ങിയ വിഭാഗങ്ങളില്‍ ചിത്രങ്ങള്‍ ഒരുക്കി പ്രശാന്ത് വര്‍മ്മ നേരത്തെ തന്നെ ചര്‍ച്ചകളില്‍ നിറഞ്ഞിട്ടുണ്ട്.. അദ്ദേഹത്തിന്റെ ഇതുവരെയുള്ള സിനിമകളില്‍ നിന്നും വ്യത്യസ്തമായ ഒന്നാണിത്. ഇന്ത്യന്‍ പുരാണങ്ങളില്‍ നിന്നുള്ള ശക്തമായ കഥാപാത്രങ്ങളുടെ പ്രചോദനം ഉള്‍ക്കൊണ്ടുകൊണ്ടു സൂപ്പര്‍ഹീറോകളെക്കുറിച്ച് ഒരു സിനിമാറ്റിക് വേള്‍ഡ് നിര്‍മ്മിക്കാനുള്ള ശ്രമമാണ് അദ്ദേഹം ഈ ചിത്രത്തിലൂടെ ലക്ഷ്യം വയ്ക്കുന്നത്.
ചിത്രത്തിന്റെ പേര് സൂചിപ്പിക്കുന്നത് പോലെ തന്നെ ഹനുമാനില്‍ നിന്ന് പ്രചോദനം ഉള്‍ക്കൊണ്ടാണ് ചിത്രത്തിലെ നായകന്‍. ഹനുമാന്റെ ശക്തികള്‍ ഉള്‍ക്കൊള്ളുന്ന പുരാണത്തിന്റെ ഒരു നേര്‍ക്കാഴ്ചയാണ് ടീസര്‍ നമുക്ക് സമ്മാനിക്കുന്നത്. ഹനുമാന്റെ പരമ്പരാഗത ആയുധമായ ഗദയുമായി നായകന്‍ ശക്തനായ ഒരു എതിരാളിയുമായി പോരാടുന്നതും ടീസറില്‍ കാണാം.
എന്റെ മുന്‍ സിനിമകള്‍ കണ്ടാലും നിങ്ങള്‍ക് ചില പുരാണ പരാമര്‍ശങ്ങള്‍ കാണാം. പുരാണകഥാപാത്രമായ ഹനുമാനെക്കുറിച്ച് ഞങ്ങള്‍ ആദ്യമായി ഒരു മുഴുനീള സിനിമ ചെയ്യുന്നു. ഒരുപാട് കഥാപാത്രങ്ങളുള്ള ഒരു പ്രശാന്ത് വര്‍മ്മ സിനിമാറ്റിക് യൂണിവേഴ്സ് സൃഷ്ടിക്കുകയാണ്. ആദിര എന്നൊരു ചിത്രം ഞങ്ങള്‍ നേരത്തെ പ്രഖ്യാപിച്ചിരുന്നു. സ്ത്രീ കേന്ദ്രീകൃതമായ ഒരു സൂപ്പര്‍ഹീറോ സിനിമയും പ്ലാന്‍ ചെയ്യുന്നുണ്ട്.. ഈ സിനിമകളെല്ലാം നമ്മുടെ പുരാണകഥകളില്‍ നിന്ന് പ്രചോദനം ഉള്‍ക്കൊണ്ടതായിരിക്കും, എന്നാല്‍ അവ ആധുനിക കാലത്ത്, അതെ രീതികള്‍ വച്ച് തന്നെ ചിത്രീകരിക്കപ്പെടും. അത്തരം ചിത്രങ്ങളെ ചുറ്റിപ്പറ്റി ഒരുപാട് പ്രതീക്ഷകളുണ്ടാകും. ‘ഒരു തെലുങ്ക് സിനിമ മാത്രമല്ല, ഒരു അന്താരാഷ്ട്ര ചിത്രമാണ് ഹനുമാന്‍’ എന്ന് സംവിധായകന്‍ വിശേഷിപ്പിച്ചു.
