തിരുവനന്തപുരം: നഗരസഭയിൽ കോൺഗ്രസ് നടത്തിയ പ്രതിഷേധ സമരത്തിനിടെ തന്നെ അപകീർത്തിപെടുത്തിയ എം.പി. ജെബി മേത്തർ എതിരെ മേയർ ആര്യ രാജേന്ദ്രൻ. പരാമർശത്തിൽ എം.പി. മാപ്പ് പറയണമെന്ന് ആവശ്യപ്പെട്ട് മേയർ വക്കീൽ നോട്ടീസ് അയച്ചു. വിഷയം നിയമപരമായി നേരിടുമെന്ന് ജെബി മേത്തർ പ്രതികരിച്ചു.
നോട്ടീസ് ലഭിച്ച് ഏഴ് ദിവസത്തിനകം രേഖാമൂലവും മാധ്യമങ്ങളിലൂടെയും പരാമർശം പിൻവലിച്ച് മാപ്പ് പറയണമെന്നും ഇല്ലാത്ത പക്ഷം സിവിലായും ക്രിമിനലായും നിയമ നടപടി സ്വീകരിക്കുമെന്ന് നോട്ടീസിൽ പറയുന്നു. മുതിർന്ന അഭിഭാഷകൻ അഡ്വ. മുരുക്കുമ്പുഴ ആർ വിജയകുമാരൻ നായർ മുഖേനയാണ് നോട്ടീസ് അയച്ചത്.
https://youtu.be/NKk_7cs3sG0
കോണ്‍ഗ്രസ് എംപിമാര്‍ നടത്തിയ സ്ത്രീവിരുദ്ധ പരാമര്‍ശത്തിനെതിരെ നിയമനടപടി സ്വീകരിക്കുമെന്ന് മേയര്‍ നേരത്തെ വ്യക്തമാക്കിയിരുന്നു.
‘കട്ട പണവുമായി മേയറൂട്ടി കോഴിക്കോട്ടേക്ക് വിട്ടോ’ എന്ന പോസ്റ്റര്‍ ഒട്ടിച്ച പെട്ടിയുമായാണ് ജെബി മേത്തര്‍ എം.പി. പ്രതിഷേധ സമരത്തിന് എത്തിയത്. ഭര്‍ത്താവിന്റെ വീട് സുരക്ഷിതമാണെന്നും മേയര്‍ രാജിവെക്കുന്നത് വരെ പ്രതിഷേധം തുടരുമെന്നും ജെബി മേത്തര്‍ പറഞ്ഞിരുന്നു.
Discussion about this post