കരിപ്പൂരില്‍ അരക്കോടിയുടെ സ്വര്‍ണം പിടികൂടി; കടത്താന്‍ ശ്രമിച്ചത് ഉടുത്ത വസ്ത്രത്തില്‍ തേച്ചു പിടിപ്പിച്ച്

മലപ്പുറം: കരിപ്പൂര്‍ വിമാനത്താവളത്തില്‍ വസ്ത്രത്തില്‍ തേച്ചു പിടിപ്പിച്ച് സ്വര്‍ണം കടത്താന്‍ ശ്രമം. ഉടുത്തിരുന്ന വസ്ത്രത്തിലാണ് സ്വര്‍ണം മിശ്രിത രൂപത്തിലാക്കി തേച്ചു പിടിപ്പിച്ചത്. ഒരു കിലോയോളം സ്വര്‍ണമാണ് ഇത്തരത്തില്‍ കടത്താന്‍ ശ്രമിച്ചത്. സ്വര്‍ണം കടത്താന്‍ ശ്രമിച്ച നിലമ്പൂര്‍ സ്വദേശി ഫാത്തിമയെ കസ്റ്റംസ് പിടികൂടി. പിടിച്ചെടുത്ത സ്വര്‍ണത്തിന് അരക്കോടിയോളം രൂപ വില വരുമെന്ന് കസ്റ്റംസ് അറിയിച്ചു.