നവംബര്‍ പകുതിയോടെ ആപ്പിള്‍ ഐഫോണുകള്‍ ഒഴികെയുള്ള എല്ലാ 5 ജി ഫോണുകളിലും എയര്‍ടെല്‍ 5 ജി സേവനങ്ങള്‍ ലഭ്യമാകുമെന്ന് ഭാരതി എയര്‍ടെല്‍ അറിയിച്ചു. ഈ മാസം ആദ്യവാരം ആപ്പിള്‍ പുതിയ സോഫ്റ്റ് വെയര്‍ അപ്‌ഗ്രേഡ് അവതരിപ്പിക്കുമെന്നും ഡിസംബര്‍ പകുതിയോടെ എയര്‍ടെല്‍ 5ജി ഐഫോണുകളിലും എത്തുമെന്നും എയര്‍ടെല്‍ എംഡിയും സിഇഒയുമായ ഗോപാല്‍ വിത്തല്‍ പറഞ്ഞു.
”നിലവില്‍ 4 ജി നിരക്കുകളിലാണ് എയര്‍ടെല്‍ 5 ജി സേവനം നല്‍കുന്നത്. അടുത്ത ആറ്,ഒന്‍മ്പത് മാസങ്ങള്‍ക്കുള്ളില്‍ 5 ജി സേവനങ്ങളുടെ നിരക്ക് നിശ്ചയിക്കും. സാംസങിന് 27 5 ജി മോഡലുകളുണ്ടെന്നാണ് തോന്നുന്നത്. ഇതില്‍ 16 മോഡലുകളില്‍ ഇതിനകം എയര്‍ടെല്‍ 5 ജി ലഭിക്കുന്നുണ്ട്. വണ്‍പ്ലസിന്റെ 17 മോഡലുകളും ഇപ്പോള്‍ ഞങ്ങളുടെ നെറ്റ് വര്‍ക്കില്‍ പ്രവര്‍ത്തിക്കുന്നുണ്ട്. വിവോയുടെ എല്ലാ 34 മോഡലുകളും റിയല്‍മിയുടെ 34 മോഡലുകളും ഞങ്ങളുടെ നെറ്റ് വര്‍ക്കില്‍ പ്രവര്‍ത്തിക്കും. ഷാവോമിയുടെ 33 മോഡലുകളും ഒപ്പോയുടെ 14 മോഡലുകളും പ്രവര്‍ത്തിക്കും. ആപ്പിളിന്റെ 13 മോഡലുകളില്‍ നവംബര്‍ ആദ്യ ആഴ്ചയില്‍ തന്നെ സോഫ്റ്റ് വെയര്‍ അപ്ഡേറ്റ് എത്തും. ഡിസംബര്‍ പകുതിയോടെ അവയും തയ്യാറാവും” എന്നും ഗോപാല്‍ വിത്തല്‍ പറഞ്ഞു.
Discussion about this post