കണ്ണൂര്‍: വൈദ്യ പരിശോധനയ്ക്കായി എത്തിച്ച കഞ്ചാവ് കേസ് പ്രതി ആശുപത്രിയില്‍ ഭീകരാന്തരീക്ഷം സൃഷ്ടിച്ചു. ജില്ലാ ആശുപത്രിയുടെ ചില്ലുകള്‍ തകര്‍ത്ത പ്രതി പൊലീസുകാരെയും ആക്രമിച്ചു. സംഭവത്തില്‍ കണ്ണൂര്‍ ടൗണ്‍ സ്റ്റേഷനിലെ സിപിഒയ്ക്ക് പരുക്കേറ്റു.
കക്കാട് സ്വദേശി കെ യാസര്‍ അറാഫത്താണ് ആശുപത്രിയില്‍ പരാക്രമം കാണിച്ചത്. കഴിഞ്ഞ ദിവസം രാത്രി ഒന്‍പത് മണിയോടെയായിരുന്നു സംഭവം. കാഷ്വാലിറ്റി മുറിയിലെ ചില്ല് ഇയാള്‍ തലകൊണ്ട് അടിച്ച് പൊട്ടിച്ചു. കഞ്ചാവ് കൈവശം വെച്ചതിന് കക്കാട് നിന്ന് ടൗണ്‍ പോലീസാണ് പ്രതിയെ അറസ്റ്റ് ചെയ്തത്. തുടര്‍ന്ന് വൈദ്യ പരിശോധനക്ക് വേണ്ടി ഇയാളെ ആശുപത്രിയില്‍ എത്തിച്ചപ്പോഴായിരുന്നു അതിക്രമം. അക്രമത്തില്‍ ടൗണ്‍ എസ്ഐ എ ഇബ്രാഹിം, സിവില്‍ പൊലീസ് ഓഫീസര്‍മാരായ എം ടി അനൂപ്, കെ നവീന്‍ എന്നിവര്‍ക്കും പരുക്കേറ്റു.
https://youtu.be/4uPn3FAgsfk