ആന്ധ്ര പ്രദേശ്: സിനിമാ പ്രദര്‍ശനത്തിനിടെ തീയറ്ററില്‍ തീപിടുത്തം. ആന്ധ്ര കിഴക്കന്‍ ഗോദാവരി ജില്ലയില്‍ താഡപള്ളിഗുഡെത്തെ വെങ്കടരമണ തീയറ്ററിലാണ് തീ പിടിച്ചത്. പ്രഭാസിന്റെ ജന്മദിനത്തോടനുബന്ധിച്ച്, നടന്‍റെ ‘ബില്ല’ വെങ്കടരമണ തിയേറ്ററിൽ വീണ്ടും റിലീസ് ചെയ്തു. നായകന്‍റെ മാസ് രംഗം വന്നപ്പോൾ ആവേശഭരിതരായ ആരാധകർ സ്ക്രീനിന് മുന്നിൽ പടക്കം പൊട്ടിച്ചു. തീ അതിവേഗം ഇരിപ്പിടങ്ങളിലേക്ക് പടർന്നതോടെ തിയേറ്ററിലുണ്ടായിരുന്നവർ ഓടിരക്ഷപ്പെട്ടു.
സംഭവത്തില്‍ ആളപായമില്ല.തീയറ്റര്‍ ജീവനക്കാര്‍ തന്നെയാണ് തീ അണച്ചത്. പ്രശസ്ത സംവിധായകൻ രാം ഗോപാൽ വർമ്മ സംഭവത്തിന്‍റെ വീഡിയോ ട്വീറ്റ് ചെയ്തു. ഇത് ദീപാവലി ആഘോഷമല്ലെന്നും പ്രഭാസ് ആരാധകരുടെ ഭ്രാന്താണെന്നുമാണ് വീഡിയോയ്ക്കൊപ്പം അദ്ദേഹം കുറിച്ചത്.