വളരെക്കുറിച്ച് സിനിമകളിലും സീരിയലുകളിലും അഭിനയിച്ച് മലയാളി പ്രേക്ഷകരുടെ പ്രിയതാരമായി മാറിയ നടിയാണ് മോളി കണ്ണമാലി. തന്റേതായ അഭിനയ ശൈലിയാണ് മോളിയെ മറ്റുള്ളവരില്‍ നിന്ന് വ്യത്യസ്ഥയാക്കുന്നത്. എന്നാല്‍ അഭിനേത്രി ഹോളിവുഡിലേക്ക് കടക്കുന്നു എന്ന വാര്‍ത്തയാണ് ഇപ്പോള്‍ പുറത്തുവരുന്നത്. ടുമാറോ എന്ന ആന്തോളജി ചിത്രത്തില്‍ ഒരു പ്രധാന കഥാപാത്രമായാണ് മോളി എത്താന്‍ പോകുന്നത്.
ഏഴ് കഥകള്‍ ഉള്‍പ്പെടുത്തിക്കൊണ്ട് ഒരുക്കുന്ന ഈ ആന്താളജി ചിത്രത്തില്‍ രാജ്യാന്തര താരങ്ങളാണ് അഭിനയിക്കുന്നത്. അവര്‍ക്കൊപ്പമാണ് ഇംഗ്ലീഷ് ഭാഷാ ചിത്രത്തിലേക്ക് മോളി അരങ്ങേറ്റം കുറിക്കാനൊരുങ്ങുന്നത്. ഓസ്ട്രേലിയന്‍ ചലച്ചിത്ര രംഗത്ത് പ്രവര്‍ത്തിക്കുന്ന മലയാളി കൂടിയായ ജോയ് കെ മാത്യുവാണ് ചിത്രത്തിന്റെ രചനയും സംവിധാനവും നിര്‍വഹിച്ചിരിക്കുന്നത്. തിരുവനന്തപുരത്താണ് സിനിമയുടെ ചിത്രീകരണം പുരോഗമിക്കുന്നത്.
കോളനി എന്ന സിനിമയിലാണ് ഇപ്പോള്‍ മോളി കണ്ണമാലി അഭിനയിച്ചുവരുന്നത്. ഈ സിനിമയില്‍ നിന്നും ബ്രേക്ക് എടുത്ത് നില്‍ക്കുന്ന വേളയിലാണ് ഇംഗ്ലീഷ് ചിത്രത്തിലേക്കുള്ള അവസരം താരത്തെ തേടിയെത്തുന്നത്.
Discussion about this post