മഹാരാഷ്ട്ര: കഴിഞ്ഞ 15 ദിവസത്തിനിടെ ഒമിക്രോണ്‍ ഉപവകഭേദമായ എക്‌സ്ബിബിയുടെ പതിനെട്ട് കേസുകള്‍ മഹാരാഷ്ട്രയില്‍ റിപ്പോര്‍ട്ട് ചെയ്തു. സംസ്ഥാന പൊതുജനാരോഗ്യ വകുപ്പാണ് ഇക്കാര്യം പുറത്തുവിട്ടത്. ഇതില്‍ 13 കേസുകളും പൂനെയിലാണ് സ്ഥിരീകരിച്ചത്. നാഗ്പൂര്‍, താനെ എന്നിവിടങ്ങളില്‍ രണ്ട് വീതം കേസുകളും റിപ്പോര്‍ട്ട് ചെയ്തു. അകോലയില്‍ നിന്നും ഒരാള്‍ക്കും എക്‌സ്ബിബി സ്ഥിരീകരിച്ചു.
പകര്‍ച്ചവ്യാധി സമയത്ത് സംസ്ഥാനത്ത് ഏറ്റവും കൂടുതല്‍ കോവിഡ് കേസുകള്‍ രേഖപ്പെടുത്തിയ പൂനെ ജില്ലയില്‍, സെപ്റ്റംബര്‍ 24 നും ഒക്ടോബര്‍ 11 നും ഇടയില്‍ ബിക്യു.1, ബിഎ 2.3.20 ഉപ വകഭേദങ്ങളില്‍ ഓരോ കേസുകള്‍ വീതം റിപ്പോര്‍ട്ട് ചെയ്തു.
