ചതിയുടെ പത്മവ്യൂഹം; ശിവശങ്കറുമായുള്ള ബന്ധം സാധൂകരിക്കുന്ന ചിത്രങ്ങള്‍ പുസ്തകത്തില്‍

തിരുവനന്തപുരം: സ്വപ്ന സുരേഷിന്റെ ആത്മകഥാ പുസ്തകമായ ‘ചതിയുടെ പത്മവ്യൂഹം’ പുറത്തിറങ്ങി. സ്വപ്നയും ശിവശങ്കറും തമ്മിലുണ്ടായിരുന്ന അടുപ്പത്തെ കുറിച്ചും ആ ബന്ധം സാധൂകരിക്കുന്ന ചിത്രങ്ങളുമടക്കം പുസ്തകത്തിലുണ്ട്. സ്വര്‍ണകള്ളക്കടത്തു കേസുമായി ബന്ധപ്പെട്ട് സ്വപ്ന ഇതുവരെ പുറത്തുപറഞ്ഞിട്ടുള്ള കാര്യങ്ങള്‍ക്കു പുറമേ അവരുടെ സ്വകാര്യ ജീവിതവുമായി ബന്ധപ്പെട്ട കാര്യങ്ങളും ചിത്രങ്ങളും പുസ്തകത്തില്‍ പറയുന്നുണ്ട്.
ശിവശങ്കറുമായുള്ള സ്വപ്‌നയുടെ വിവാഹത്തിന്റെയും, ഇരുവരും ഒരുമിച്ചുള്ള ഡിന്നറിന്റെയുമൊക്കെ ചിത്രങ്ങള്‍ പുസ്തകത്തിലുണ്ട്. ശിവശങ്കറും വീട്ടിലെ മറ്റു ബന്ധുക്കളും ഒരുമിച്ചുള്ള ചിത്രങ്ങള്‍ ഉള്‍പ്പെടെ ശിവശങ്കര്‍ നല്‍കിയ താലിയും പുടവയും അണിഞ്ഞും, ജന്മദിനാഘോഷങ്ങളും ഉള്‍പ്പെടെ ഇവരുടെ സ്വകാര്യ ചിത്രങ്ങള്‍ പുസ്തകത്തിലൂടെ പുറത്തുവിട്ടിട്ടുണ്ട്. തൃശൂര്‍ കറന്റ് ബുക്‌സാണ് പുസ്തകം പുറത്തിറക്കിയത്.