കൊച്ചി: മനുഷ്യ മനസ്സാക്ഷിയെ നടുക്കിയ പത്തനംതിട്ട പ്രതികള്‍ റിമാന്‍ഡില്‍. പ്രതികളായ മുഹമ്മദ് ഷാഫി, ഭഗവല്‍ സിങ്, ഭാര്യ ലൈല എന്നിവരെയാണ് റിമാന്‍ഡ് ചെയ്തത്. രണ്ടാഴ്ചത്തേക്കാണ് ഇവരെ റിമാന്‍ഡ് ചെയ്തിരിക്കുന്നത്. ജുഡിഷ്യല്‍ മജിസ്‌ട്രേറ്റ് കോടതിയില്‍ രാവിലെ പ്രതികളെ ഹാജരാക്കിയിരുന്നു. പത്തു ദിവസത്തേക്കു പ്രതികളെ കസ്റ്റഡിയില്‍ വേണമെന്നായിരുന്നു പൊലീസിന്റെ ആവശ്യം. വേറെ സ്ത്രീകളെയും പൂജയില്‍ പങ്കാളിയാകാന്‍ ആവശ്യപ്പെട്ട് മുഹമ്മദ് ഷാഫി സമീപിച്ചെന്ന വെളിപ്പെടുത്തലിന്റെ അടിസ്ഥാനത്തിലാണ് കൂടുതല്‍ ചോദ്യം ചെയ്യല്‍ നടത്തണമെന്ന് പൊലീസ് നിലപാടെടുത്തിരിക്കുന്നത്.
നരബലിക്കേസിലെ പ്രതികള്‍ റിമാന്‍ഡില്‍; കസ്റ്റഡി അപേക്ഷ നല്‍കാനൊരുങ്ങി പൊലീസ്
പൂജയില്‍ പങ്കാളിയാകുന്നതിന് വേറെ സ്ത്രീകളെയും സമീപിച്ചിട്ടുണ്ടെന്ന കാര്യത്തില്‍ കൂടുതല്‍ ചോദ്യം ചെയ്യും
